පව්කාරියට ගල් ගැසීම

නුඹට එරෙහිව අවි දරන අත්
වැඩිපුරම ඒවාද
නුඹෙ සිරුර වැළඳගත්

ගල් කැබලි අත දරන්
පෙළ සැදෙන මිනිසුනේ
ගසාපන් පළමු ගල
සුණු වෙන්ට මේ ක්‍රමේ . . .

කෙටි කතාවක්

නුඹේ ආලය කෙටි කතාවක්
දිගු කලක් මා සමඟ උන්නද
හිටි ගමන් ඇරඹී
ගුප්ත ලෙස නිම වුණ
විශ්මයට පත්ව ඉමි
පාඨකය ලෙසින් මම
කුම්ක් වේවිද ඉතින්
නිමාවෙහි පටන් සිට

තහනම් කෑම

හිම කිරමට මං ආසයි
හිම කිරමත් මට ආසයි
මගෙ හිසේ බර ගතිය
හිම කිරම පලවයි

වහන් වී ලෝකයෙන්
හිම කිරම රස බලමි
දුටුවොතින් ලෝකයා
බනියි මා උමතුවෙක්
ලොවට රහසේ උනත්
රස බැලූ හිම කිරම
මගෙ හිසේ බර ගතිය
වැඩි කරයි රිදුම් දෙයි!

YOU

you may be small
but you are big in heart
you may be weak
but you are strong in thoughts
you may be ugly
but you are pretty to someone
you may be turned down
but you can be an emperor of your own empire
because there is no one like you
in this world

හිඟන්නාගේ තුවාලය

ආදරය වණයක්
ස්පර්ශ කළ විට
සියුම් කිතියක් ජනිත කරවන
කසන තරමට ඔඩු දුවන
දුක් ලැබෙන බව දැනත්
ඇසිල්ලක සුව සොයන

පොතේ ගුරු වාදීන්ට

මාක්ස් එංගල්ස්
ට්‍රොට්ස්කි ග්‍රාම්ස්චි
භෞතිකවාද අපෝහකවාද
අර වාද මේ වාද
දයලෙක්ති ගැට පද
බර වචන රළු වචන
මහ ගොඩක් ඔළුව තුළ
බර වචන අකුරු කර
ලිය ලියා කන වෙලාවේ
නැගිටින්න පැමිනෙන්න
පොතෙන් පිට ලෝකයට
දැකගන්න සැබෑ නිර්ධන
පංති සගයන්
විඳගන්න හදවතින්
දුක් කඳුල දුක් සුසුම
නැගිටින්න අතදෙන්න
තථ්‍ය දුප්පතුන් හට
මොරදෙන්න ඔසවන්න
දුප්පතුන්ගේ හඬ

එයත් බැරි නම් සොයුර
කෙස් පැලෙන පුහු තර්ක
නගන පෙරලන වෙලේ
බිම් කොටා අල ටිකක්
ඉන්දන්න මෝසමට
පුරවන්න හිස් කුසක්
ඔබේ පොත්වල කියන
පංතියේ සගයගේ!